---

​
Forsa Kretxeu

Odju spia-l, spia-l
ku sizu, ku amor, ku
gostu ma ku dusura.

Korasan bate-n na parma mon
el fra-n amor grandi, forsa
kretxeu sinti-l na pasu a ma
na son di morna o di finason.

Se brasu el da-n, el kunpanha-n
na onda di mar du navega, na 
briza friu, neba detadu, na mon
di Deus, Virgen Maria.

Forsa kretxeu ka ten igual
forsa di amor, amor maior.

​Nha Terra

Mi e des terra, nha ninhu
nes mundu, mas piquininu
di madrugada mas kalmu
di palmanha mas soleadu
di gentis sabi, morabi.

Nha distinu imigranti leba-n pa lonji,
dixa sonhu, amizadi, dixa kretxeu ku
lagrima na odju, na mon di mar ta sulusa.

Mi e di li
des terra sabi
di ritmu kenti di tanbor,
tabanka y mar, sol y kalor.

Mi e di li des terra sabi
di morna, koladera y serenata.

Na distansia bu nomi e sodadi
na bu prezensa amor e mas grandi.
O Cabo Verde, o Terra Mai
ken ki nega-bu ka marese-bu.

---